嘩！原來我不知不覺又潛咗水半年，潛到連我自己都覺得係時候浦頭啦，今年的願望係，希望自己唔好再潛水啦！

 

剛踏入新的一年，已經發生幾個唔好的預兆。

 

1, 2008年第一次喺巴士俾人抽水！(憤怒x100)

2, 2008年第一次俾人打..........話說尋晚返屋企途中，見前面個男人行得太慢，便想從佢旁邊超越佢，點知佢忽然打開雙手懶感性話要感受吓啲新鮮空氣，即席上演一場Titanic陸地版I'm the king of the world，一拳打落我個頭度，真係勁想打返佢！

3, 2008年第一次發惡夢，夢見我去紋身的時候瞓著覺，醒返的時候竟發現有兩個令人不敢相信的超樣衰圖案紋咗喺我右手臂上，一個係我最憎嘅Micky Mouse，另一個係Winnie The Pool手揸兩個氣球，救命！我即時嚇醒咗！