| KennisBaby's profileART REVOLUTIONPhotosBlogLists |  Tools  Help |
|
ART REVOLUTIONArt is love, for it accepts everything. Art is dropping the bomb. It's the dream, optimistic, generous and naive. Art is an icon which can be found just where it belongs. Art is a revolution, an act of violence by which one class overthrows another.
July 21 浮得上面當然有原因啦！嘩，上一篇剛剛先講完自己潛完半年水浮返上水面，結果係又再潛多半年水，勁！
呢半年其實過得幾頹廢，不過算是圓左自己一直以來的夢。我終於決定放棄全職跳舞的生涯，做返文職，不過唔代表我會完全放棄跳舞，只不過係由全職轉返做兼職，有時間的話我依然會跳。
我終於想清楚全職跳舞嘅生涯始終不可能長久，只係短短半年時間，我已經搞到自己五勞七傷，再加埋以前啲舊患，已經好似半個癈人咁，再日日逼自己長時間跳落去，隨時好似同事Ellen咁，以後都唔跳得舞。
其實一早已經覺得自己應該轉工，不過天生被懶神主宰的我，實在太貪戀呢種沒甚壓力的半退休生活，所以至會一拖再拖，如果唔係今次對公司忍無可忍，話唔埋仲會繼續拖落去，不過everything happens for a reason，好多野都係整定嘅！
就正如喺呢個咁難搵工的季節，竟然又俾我喺1個星期之內搵到份幾啱心水嘅工，而且仲係有幾個offer俾我慢慢揀嗰隻，所以話其實個天都待我不薄，成世人無論想做咩都做得到，即使條路係就係長啲，但總算通通都可以實現。
今次轉職，最唔捨得的係一班一直支持我的FAN屎(嘔！)同一班好可愛的學生，我亦覺得好抱歉，因為我走得實在太突然，甚至趕唔切同大家交代。在1個月前太家的熱情挽留下我仲實牙實齒誓神劈願答應大家(我當時係真心ga！)話我短期內都唔會走，結果.................哈哈哈(大笑3聲)！幸好收到你們的sms，知道你們的諒解同支持，真係好開心。
雖然你們不斷游說我自己開studio，我亦同公司的同事商量過，但各人都有各自的隱憂，所以經已擱置左呢個想法。我目前已積極搜尋適當地方開course，無奈暑假實在太難book場，所以可能最快要到9月先有辦法，有新進展的話會盡快通知你們。
而家好期待8月的新工作，喺我生日嘅月份，又有一個全新嘅開始，型呀！
January 01 潛水艇開始浮上水面嘩！原來我不知不覺又潛咗水半年，潛到連我自己都覺得係時候浦頭啦，今年的願望係，希望自己唔好再潛水啦！
剛踏入新的一年，已經發生幾個唔好的預兆。
1, 2008年第一次喺巴士俾人抽水！(憤怒x100)
2, 2008年第一次俾人打..........話說尋晚返屋企途中，見前面個男人行得太慢，便想從佢旁邊超越佢，點知佢忽然打開雙手懶感性話要感受吓啲新鮮空氣，即席上演一場Titanic陸地版I'm the king of the world，一拳打落我個頭度，真係勁想打返佢！
3, 2008年第一次發惡夢，夢見我去紋身的時候瞓著覺，醒返的時候竟發現有兩個令人不敢相信的超樣衰圖案紋咗喺我右手臂上，一個係我最憎嘅Micky Mouse，另一個係Winnie The Pool手揸兩個氣球，救命！我即時嚇醒咗！ May 07 終於重出舞壇?!!但係我家陣想收山囉wor！尋日喺九展跳完比賽，攰到想死！
好耐冇比賽，今次仲要係喺我最忙gr時候，頂！
點解咁忙重要賽？因為兩個字：被迫！
只可以用兩個字嚟形容我而家嘅狀況：虛脫！（由於有好多人話我成日濫用"崩潰"呢個term，所以我今次改用虛脫，吹咩！） February 26 嬴左啖氣就輸左我！我越來越發覺呢個世界每一個人都好自我。
全世界ge人都淨係識鬧我太自我，佢哋好似都冇諗過佢哋自己到底有幾自我。我認我係好自我，但係咁多年來，我都不斷為左成全身邊好多人ge自我而被迫放棄我ge自我，點解要咁？一個咁自我ge人，到頭來竟然冇左自我，真係好好笑、好諷刺lor！你哋仲要不斷咁鬧我，好唔fair囉！
如果我喺某d人心目中真係咁重要，咁點解佢哋唔可以為我放低小小自我啫？成日話唔會輸俾我，咁即係輸贏喺佢心目中重要過我啦？如果唔係，點解我哋之間重要講邊個輸邊個嬴wor？
佢唔想輸，唔通我又好想輸咩？佢有佢ge尊嚴、自我、骨氣，我都一樣有，但喺佢面前我次次都輸，係因為我願意為一d我認為重要ge人放低我ge尊嚴、自我、骨氣，咁點解佢唔可以？唯一ge解釋就係我對某d人嚟講一d都唔重要！
我真係好難過，我唔明、唔憤氣，亦唔諒解。呢個世界，冇人會願意永遠無條件咁單方面付出ga，尤其付出ge係一個人ge尊嚴、自我、同骨氣。如果佢只係想嬴，我可以成全佢，我可以俾佢嬴，不過佢將會輸左我囉！
我今次唔係講笑，我真係好攰，我唔想再為左任何人去放棄自我，包括你Wxxxxx！
重有你Gx，唔好以為你好巴閉，成日玩失蹤，你到底想玩乜嘢？
我好憎、亦唔明自己點解會咁在意你？你搞到我近排個人成日都好躁好憫！就嚟要食靜心口服液。死八公................................！！！！！
救命！！！我就嚟憫到心臟衰竭！
February 11 世紀大賤精我又做左小賤人！
事緣上個禮拜G4去左Singapore渡weekend之後，又再度玩失蹤，足足成個星期，call佢又唔聽，sent SMS又唔覆，於是我sent左個SMS串佢問佢係咪死左，佢Friday night終於覆返我，話唔係佢死左，係佢阿媽死左，所以飛左返UK處理阿媽d身後事。
唉，好後悔自己把口咁賤。喺呢個非常時期，我都唔知點樣安慰佢好，唯有俾佢一個人冷靜下la！
January 19 我未死ga！嘩！不經不覺已經差不多兩個月冇on-line，是時候交代一下自己最近的行蹤了。
學業：
1. 今個sem撫心自問搏晒老命，結果不過不失，但比預期中強差人意。
2. 當中出現了一點問題，預期最好成績的兩科竟然最低分，原因尚未明，正在調查當中。
事業：
1. 遇上史上最fucking的老闆！
2. 每天都在慨嘆自己堂堂一個大學生竟要打一份如此沒氣質的工，好悲！
3. 經常有好多跳舞圈的人出現在我公司，好怕被人認出我！
跳舞：
當初因為冇錢上堂而迫於無奈再去工作，結果也一如預期的一樣，錢賺到了，卻忙到痴肺。看來，我又一次掉進自己親手挖的洞裡去！
藝術：
1. 得professor介紹老友名師，對分析和畫畫技巧方面也有新的領悟。
2. 自重新工作後，體力嚴重不支，攰得手震腳軟，當然連畫筆也拿不起來，因此又擱置了兩個月。
朋友：
1. 很久沒見的朋友，依然是很久沒見。
2. 昨天收到invitation，又一個老朋友要結婚了！風哥，恭喜恭喜！
3. 2007年1月1日，我呢個深山自閉精竟然主動約左一個老朋友朱姐食飯，對方表示極度意外。
4. 尚有許多朋友約會在排期當中，有待實行！
感情：
1. 年頭再度遇上桃花劫，煩人指數超乎人所能接受的程度，小女子甘拜下風，人都顛，生平第一次慶到想放火活活燒死一個人！
2. 與G4發展良好，Last Wed本來佢放假約左我去Excelsior晚飯，但佢突然有operation要立刻銷假返工，晚飯取消，自此失蹤至今，毫無音訊。初步估計有兩個可能性，一是他一覺醒來突然決定轉投另一個女人的懷抱；另一個可能性是，佢take operation的時候俾人開槍"辣"低左！謎團有待解開。
3. 上星期忽然結識型男Mo爺，搞到我籮籮攣左好幾日，仲不斷講笑話要溝佢，點知原來賢妹識得佢阿哥，係咁周圍幫我索料，超好笑。不過都係玩吓啫！ December 01 想飛？Baby，
人總渴望他們得不到的東西。
渴望，只因為得不到。並不代表那是自己真正想要的。
許多時，人根本不知道自己到底想要甚麼。
我們都渴望成為天上的鳥兒，無拘無束、自由自在。
然而我們都不知道，鳥兒在天上飛來飛去，
其實，只為尋找一個安定的家，
其實，牠最想要的是一片可讓牠安身立命的落腳地。 November 23 又一隻雀仔飛走了！他無緣無故的失蹤了，然後昨天突然又無緣無故的出現。
他告訴我他坐明天早上的飛機回台灣去了。
我不知道他到底是甚麼時候下這個決定，反正不管他做甚麼也好像是一覺醒來之後突然決定去做似的。
他冷淡地問了我一句：「這樣不好嗎？」
然後我又好冷淡地回了他一句：「好。反正是個新開始，為甚麼不好？」
我跟他說：「一定要快樂。」
他問我為甚麼總是覺得他不快樂。
我說我只是"祝"他快樂，沒有說他現在不快樂。
雖然我明知道他其實一直以來都不快樂。
然後整晚對著他，感覺怪怪的，不知道還可以跟他說些甚麼。
我不喜歡他總是一副好像甚麼也不在乎、沒所謂的樣子，我知道他心裡其實不是這樣想的。
離開的時候是零辰3點，銅鑼灣的耀華街，下著細雨，我和他兩人共撐一把傘。
佢突然拋下一句：我走了！然後轉身便離開。
我望著他的背影，冷清得悲涼。
我突然發覺，我竟然在他身上，看到我自己的影子。
是落寞的感覺。 November 15 見唔到George Cloony好depress呀！弊家伙！中左ER毒！
自從有線重播ER以來，每晚唔睇過George Cloony我都瞓唔著。雖然有線播嚟播去都係3、4輯，不過只要有George Cloony，就百看不厭。不過，自重上個禮拜播完以後，我就成個人都好depress，仲成日瞓唔著Tim！
嚴格嚟講，我鍾意ge唔係George Cloony，而係佢演嘅Doug Ross羅道格醫生，佢簡直係我見過最完美ge男人。其實，如果佢唔係兒科醫生，而係其他科，成件事就即刻唔同晒。佢之所以咁charm，係因為一個playboy竟然係咁有愛心ge兒科醫生，真係攞你命！
雖然明珠台都播緊最up date個version嘅ER，不過自從冇左羅道格同卡醫生之後，真係差好遠！
我諗.........我真係愛上左羅道格！
November 12 你係咪變態ga？痴線ga！你哋啲男人係咪變態ga？
你要死就死遠啲la！仲乜要攬住我喺我面前隊穿自己個心同隊爆自己個頭呀？仲要重覆做3次，係都要嚇醒我至安樂！
我尋晚嚇醒嗰陣，仲以為你真係死左，攪到我喊左好耐好耐呀！冇見兩日啫，駛唔駛咁嚇我呀！
點解啲男人咁鍾意喺我啲夢入面自殺？尋晚仲一次死十幾個，家陣玩集體自殺呀？明知我發親呢啲夢個心都唔舒服好幾日，係咪玩嘢呀？我好眼瞓呀！
我家陣個心仲好鬼驚，因為真係死得太核突la！
又有病？ 12 November 0:32
我盜汗ge毛病越來越嚴重。
一直都知道盜汗係好多嚴重疾病嘅主要病徵，但係一路都冇理過佢，不過近排實在發作得太頻密，1個月超過15次，實在忍無可忍，終於
"dic"起心肝上網搵吓料。不過，唔搵好地地，一搵真係嚇得死我，因為引致盜汗ge病，真係分分鐘都死得人。分別有以下各種： 1.癌症：包括淋巴瘤、血癌在內的許多癌症都可能會有夜間盜汗的情形。
2.感染症：如，結核病、AIDS、感染性單核球症、心內膜炎…等。 3.內分泌系統疾病：如，停經症候群、甲狀腺機能亢進、糖尿病患者的夜間低血糖、嗜鉻性細胞瘤、類癌腫瘤等。 4.心血管疾病：如，狹心症、Takayasu氏動脈炎、顳動脈炎。 5.藥物：服用某些藥物時也可能會有夜間盜汗的現象。如：解熱鎮痛劑、某些降血壓藥、某些抗憂鬱劑、酒精或海洛英中毒…等。 6.其他：如：睡眠呼吸中斷症候群、胃食道逆流症、慢性疲勞症候群、焦慮症…等。 當然，引致盜汗仲有一個minor好多ge原因，就你長期性嚴重氣虛血弱，我諗我可能係呢個原因啩！
媽媽成日叫我去睇醫生，我真係睬佢都傻。如果真係有以上嗰啲病，唔該，千祈唔好話我知呀！ November 09 行運行到Ba Ba聱！一字記之曰：邪！
呢兩日忙於搵料做Digital Media嘅Final exam paper。
今日下午忽然諗起自己睇過一套戲叫Cube 2：Hypercube，講4-dimensions space嘅，好啱攞嚟做example，於是諗住搵返隻VCD出嚟睇，點之搵左成日，搵均全屋都搵唔返隻碟！淨係搵返隻Cube 1，不過只係講3-dimension，唔係好啱用。好氣餒！
點之頭先睇睇吓書之際，竟然見到有線預告半個鐘後會播Cube 2，開心到我吖！
呢排成日都係咁。上個禮拜同Christy講起話Life & Death嗰科要睇紅白藍三部曲，同一晚開電視有線就播緊。
Cube同紅白藍呢啲咁冷門嘅戲，有線播已經夠奇，仲係每當我有需要睇佢就播，咁先至係最離奇！
我呢輪覺得，我啲運開始返緊嚟，仲係順到不得了嗰隻！
點解咁講？因為啱啱嘅考試又OK左lor！
仲有，前排以為個professor針對我，本來以為今次實冇運行，點之又俾我發現原來係誤會。
我呢舖仲唔係行運行到Ba Ba聲！
November 04 捉迷藏是一個令人渴望的、嚮往的背影。
伸手觸不到，只能隱約看得到。
我拚命的追，他拚命的逃，像兒時的捉迷藏。
好不容易追上了兩步，竟發現自己迷失在一個無人的荒島。
我叫了一聲：呀！沒有回應。
或許過去是我太高傲。
沒有退路，只能拚命的尋找出路。
我暗自盤算著，勝算多少心中有數。
是力有不逮，還是心頭太高？ October 29 挑戰Benjamin！終於考完Digital Media。
花左兩個禮拜狂背Theory，結果卻無用武之地。
最多分嗰兩題，基本上同Theory冇乜關係............
 我嬲到喺campus狂踢石柱，幾乎嚇親啲同學！
讀又咁多分，唔讀又咁多分，咁讀嚟做咩？
我真係好明白求學不是求分數呢個道理ga wor，不過今年分數對我嚟講真係好重要lor！
我讀唔讀到Master，都係靠佢食糊ga 啦！
唉！.........我今年嘅第1條A已經慢慢離我而去，唯有寄望Final Paper啦！
我決定要用.........Benjamin.........
......嚟做Digital Media嘅Final Paper！
 (驚訝 x 100)頂！我Take美學嗰陣都避開唔做Benjamin，
估唔到竟然Digital Media要用佢！
痴線ga！！！ October 25 下一站……台灣？呢個又話去英國讀，嗰個又話去法國，仲有人勁到連北京大學都夠薑報！
我冇佢哋咁有錢去英、法國，又冇啲人咁有料報北大，唯有另覓前路！
頭先Click左入台大同台灣藝術大學個web site度睇啲碩士課程。
睇完啲入學試嘅past paper.........頂！難到爆！
最大問題係，嗰邊嘅課程同我喺香港讀緊嘅唔係好銜接。
例如，西方美術史嘅入學paper會問到好多sculpture嘅問題，但我喺香港只係讀painting，對sculpture一啲認識都冇。
至於佢嘅哲學課程，並唔包括美學（但我比較熟識嘅都係美學同倫理學wor！），因為佢哋嘅美學納入藝術系課程，而藝術課程中，又牽涉好多我冇讀過嘅範疇。
最騎呢嘅係，佢哋為左測試申請學生嘅英文水平，每份paper入面都有一題要翻譯一篇評論做中文。我睇過晒啲翻譯題，對香港人嚟講應該算係非常之容易，但同樣亦非常之困難。因為平時喺香港可以中英並用，因此有好多專有名詞，我哋Philo人或Visual人都知個英文點解，但就未必知個中文點譯。
例如intrinsic value，係咪可以就咁譯做內在價值？仲有好多好多都諗到我頭爆！分分鐘香港人會死晒喺呢啲題目手上！
當然，如果我想喺台灣讀大學，有好多先修學分課程，即係先讀左啲course，再考入學試，取錄左之後再申請之前take左嘅course嘅學分豁免。不過，咁樣讀法好似貴好多wor！
仲有，佢哋啲學費寫得好亂，睇唔明。
究竟讀一個Master要幾多錢呢？
真係冇人知！ October 22 頭好痛！一直以為上個禮拜考Digital Media，點知原來係今個禮拜！
本來覺得自己好白痴，後來覺得好似係神想俾多個機會我，所以要好好珍惜！
因此今個禮拜.........繼續搏殺中！
條spinal中間有一節好似裂左咁！
個後尾枕又起左兩個泡泡！
好痛！ October 18 成功在望最近同學都笑我做左ILP皇后，逢ILP必上，每日如是，準時過上堂！
原來，想喺1個sem之內take晒3年嘅ILP並唔係妄想！
因為，經已目標在望！努力呀！就得啦！
1個sem take晒3年嘅ILP都有可能，係唔係意味住今個sem攞5條A都有可能呢？呵呵呵！
聽日就要考Digital Media，本來最驚呢1科，不過好似突然間開左竅
咁！
陳小琳努力呀！成功在望呀！你仲要讀Master架！Hehe！都係讀書最開心！
October 16 跳舞 vs 讀書頭先去左Winnie度，佢播左一個台灣講拉丁舞嘅節目俾我睇。一個16歲嘅小女生同一個21歲嘅男仔，實在跳得好好，睇完之後搞到我極度自卑！
本來叠埋心水今年一定要專心讀書，但睇完之後又好想繼續跳舞。
究竟揀跳舞，定係揀讀書？
讀書一定唔可以放棄，但係跳舞就更加唔想放棄，點算好？點解一定要我揀？
好羨慕啲人想做乜就可以做乜，但我就好似永遠都要被迫做取捨。
Winnie成日同我講，話我自從跳左舞之後，個人都未開心過。
佢好似講得啱，唔知點解跳舞會帶俾我咁多煩惱！
點解我個人好似好冇用咁？做乜都唔成功？
好想喊！ October 15 鬼遮眼那些曾經和我們很近很近的人，原來離我們很遠很遠。
而那些曾經離我們很遠很遠的人，現在卻變得很近很近。
每個人都會經歷「鬼遮眼」的時候。
一覺醒來，驚覺之前發生的事完全不可思議。
除了用鬼遮眼來解釋外，你抓破頭皮也想不出原因來。
分不清是非、辨不出對錯、看不到真偽。完全搞不清楚狀況。
當你再次睜開雙眼，看到真實世界的時候，你便會發現到一個事實，
原來..............................................................呢個世界真係有鬼架！
October 13 老竇要賣個女去中東嫁酋長前兩天爸爸、媽媽和我說起結婚的問題。
爸爸開玩笑說若我再不趕快嫁的話，他便替我做決定。
爸說給我兩個選擇，一是嫁給一個有錢佬，不然的話，他便要我嫁「Jxxxxx」！
媽媽和小弟弟立即笑作一團，我也笑著罵他神經病。
爸爸真的太喜歡「Jxxxxx」了，有時我和媽都覺得，爸好像疼「Jxxxxx」更甚於疼我，他會不會忘了我才是他的親生女兒呢？他常說「Jxxxxx」答應過會養他下半生，那麼我呢？爸到底把我放到哪裡去呢？
跟著爸爸又說幫我搭路去中東嫁酋長，我笑說叫他找個老一點的，好讓我早日脫身。
很享受最近的生活。
這樣的生活令我忽然覺得，自己好像真的想結婚了。
不過，每一次差不多走到要結婚的那一步時，我便又會逃走。所以，其實我也搞不清楚自己是不是真的想結婚或真的適合結婚。但這一次好像是真的了！我想，其實結婚也真的不錯。日捱夜捱的生活，真的太累了，忽然好想過少奶奶的生活啊！
不過，每次當我有衝動結婚的時候，身邊就會有朋友搞離婚，次次都要打擊我！Winnie又成日潑我冷水，話以我的性格，結不了多久便一定會離婚！做乜要打擊人啫？我本身都經已冇乜信心自己能夠和同一個人過一輩子。一場朋友，駛唔駛咁絕先？就算知都唔好講出口啦！
唉！我都不知道為甚麼，結婚到底有甚麼咩好怕呢？又想結又要怕，好精神分裂！
今天聽到一個不太愉快的消息，希望朱姐沒甚麼事吧！
請碌大雙眼望向你的前方！盡是一望無際的森林啊！
為甚麼這幾天一直讓我看到一些不應該看到的東西呢？……救命！
October 11 遲來的歸屬感3年來，第1次發現自己對學校產生了一點點的歸屬感。
第1次和校長聊天、第1次主動出席校內各大小function、第1次狂Take ILP、第1次連Day Off都刻意回學校Sit堂、第1次出盡力搏攞5條A、第1次放學後和同學於Canteen吹水吹到10點幾、第1次不再覺得校長講UOP係廢話、第1次希望自己不要那麼快畢業……
這許許多多的第1次，令我在3年的校園生涯中，第1次感覺到很快樂很快樂。
這一點點的歸屬感，會不會來得太晚了呢？
原來，快樂可以如此的簡單。
昨晚在毫無心理準備的情況下讓我看到了某些事情，忽然讓我哭了！ October 09 心情大好越來越發覺自己和許多人溝通不來。
當然，要免強去做的話，沒有我這"PR王"溝通不來的人，只是，免強自己去融入某一類人的生活圈子，越來越使我感到吃力及不安。
我還是喜歡我原來的生活圈子，我還是喜歡那些可以讓我肆無忌憚說話的朋友。
所以，對於那些不在我生活圈子的人，I'm so sorry！你們又再一次被排除在我的世界以外了！因為我還是認為這樣會使我活得比較開心自在。
這個月來心情好得不能再好了，只有上學和睡覺的日子，既充實又輕鬆！我認了，我本質上是一個懶得不能再懶的人，神呀！請容許我一輩子也過著這樣的生活吧！我真的一點也不想改變啊！
閃電結婚 vs 閃電離婚
好嬲： 我講過好多次話要今年內閃電結婚，點之竟然俾人搶先，真係佛都有火，今勻俾你型晒la！
好邪： 年頭先同人開賭盤話我要閃電結婚、對方要閃電離婚，睇邊個中先。估唔到又俾人搶閘！谷鬼氣！ September 25 死唔斷氣世界上有邊一種關係最令人煩厭嘅呢？
就係嗰種拖拖拉拉、死唔斷氣嘅關係。
都維持左呢種關係咁多年啦，點解你仲未厭？
我諗唔單止我，相信連隔離屋阿三姑都聽到厭。
可唔可以嘗試搵另一種新關係玩吓，等大家都唔駛咁悶呢？
真係差啲悶死隔離屋隻狗！
不如考慮吓上契吖！契媽同契仔呢種關係都唔錯架！
可能係我喺英國返嚟之後成個人唔同晒，我終於發現，原來我以前一直選擇相信，只不過係我對你，甚至可以話係對人嘅一種期望，並唔代表我所相信嘅係一個事實囉！
我終於冇辦法再相信你係一個好人。
我真係冇辦法再去幫你諗任何藉口。
因為我真係說服唔到自己。
你永遠唔肯俾承諾但係又唔想失去，就正如你想買嘢唔駛俾錢一樣。
呢個世界邊有咁筍嘅事？就算有都唔輪到你啦！
一句到尾，你都只不過係一個自私精嚟咋！你同其他男人有咩分別？
唔該你收起你嗰副楚楚可憐嘅嘴臉，咪再成日搞到自己好似好慘咁啦！
有句說話我一直好唔想講，不過到左今時今日真係冇辦法唔講：「你放手罷啦！」
你真係好似一種極度恐怖嘅病毒，無論去到邊，都會將禍害帶到去邊，令到身邊嘅人唔開心、成個世界都俾你反轉咁滯！你有本事就成世"喱"喺北京唔好返嚟，費事眼冤呀！
越講越"慶"，雙眼冒火，收唔到制！
雖然真係好angry，但係點解鬧鬧吓好似有啲唔開心嘅呢？
我諗，我真係對呢個人徹底失望。
唔想再講。Bye Bye！
September 06 Refresh"Pop Art is popular, transient, witty, gimmicky, sexy, young." -Richard Hamilton
"To avoid the search for a new form at any price means avoiding the history of art as we know it." -Daniel Burem
一向以來只鍾情Renaissance到19th century的Fine Art。尤其是Michelangelo的ancient Greek及Monet的Impressionism。
忽然愛上Pop Art的包容、愛上Minimal Art的簡約、愛上Conceptual Art的深度。
愛上Andy Warhol的Marilyn Monroe、英女皇、可樂樽、金寶湯。愛上Jackson Pollock多姿多采令人眼花撩亂的drip paintings。愛上一幅幅具有revolution意味的以Che Guevara肖像為icon的設計。
Renaissance、Baroque、Impressionism固然有其牢不可破的功力及無可取替的魅力，然而Pop Art卻有更貼近現實社會及都市人的態度。
在英國的幾個月，是一次revolution、一次成長、一次蛻變。
很有一種brand new的感覺。Fresh and green！
|
|
||||||
|
|
